Першая раённая краіназнаўчая алімпіяда
23.12.202123.12.2021 на базе ДУА "Клецкая сярэдняя школа №3" адбылася першая раённая краіназнаўчая алімпіяда на англійскай мове. У ёй прынялі ўдзел навучэнцы 7 і 8 класаў устаноў адукацыі Клецкага раёна.
Алімпіяда складалася з двух тураў. У першым туры навучэнцам быў прапанаваны тэст для праверкі ведаў рознай тэматыкі: гісторыя, знакамітыя людзі, славутасці, дзяржаўныя сімвалы краін вывучаемай мовы.
Другі тур-прэзентацыя турыстычнага маршруту па англамоўнай краіне. Дзеці прапанавалі ўвазе журы маршруты па Аўстраліі, Канадзе, Вялікабрытаніі, літаратурныя маршруты.
Па выніках інтэлектуальных выпрабаванняў дыпломам 3 ступені былі ўзнагароджаны вучні нашай установы адукацыі:
1. Пашко Кацярына, вучаніца 6 класа;
2. Цагойка Дар'я, вучаніца 7 класа;
3. Барысевіч Дар'я, вучаніца 8 класа.
Віншуем нашых навучэнцаў і іх кіраўніка Кулік Дар'ю Мікалаеўну з перамогай, жадаем далейшых поспехаў!