Шосты школьны дзень «Дзень міру»

25 верасня ў рамках шостага школьнага дня «Дзень міру» вучні 1-4 класаў удзельнічалі ў конкурснай праграме «Свет дзяцінства – самы лепшы свет». Пад музычнае суправаджэнне і ўступныя словы настаўніка дзеці акунуліся ў свет дзяцінства – выдатны куток нашага жыцця, які мы можам наведаць толькі аднойчы, будучы маленькім дзіцем.

У ходзе выканання вучнямі заданняў «Дамалюй  ўсмешку», «Знайдзі канец прыказкі» былі разгледжаны паняцці «шчасце» і «адзінота», «сябар» і «сяброўства». З мэтай выхавання пачуцця добразычлівасці вучням было прапанавана паўдзельнічаць у практыкаванні «Кветка сяброўства»: дзеці выразалі з каляровай паперы далонькі, на якіх пісалі пажаданні, парады адзін аднаму і ў выглядзе кветкі мацавалі іх на дошцы.

«А што ж такое мара?» – такім пытаннем азадачыў настаўнік сваіх выхаванцаў. Але дзеці не разгубіліся і падзяліліся патаемнымі марамі, планамі на будучыню адзін з адным.

У кожнай краіне ёсць правілы, так і ў краіне Дзяцінства ёсць правілы і абавязкі дзяцей, якія і зачытала педагог прысутным. Каб дзяцінства па-сапраўднаму было шчаслівым, трэба, каб дзіця акружалі шчасце, каханне, дабрыня, ласка, клопат, увага.

З вучнямі 5-9 класаў педагогам-арганізатарам праведзены турнір знаўцаў «З гісторыі піянерыі» з мэтай абагульнення ведаў па гісторыі піянерскай арганізацыі. Мерапрыемства пачалося з піянерскага салюту, а далей дзецям было прапанавана павітацца адзін з адным так, як гэта робяць у розных краінах свету. Далей Лілія Мікалаеўна нагадала вучням гісторыю з’яўлення піянерскага руху, пералічыла традыцыі, святы, мерапрыемствы піянераў і апісала іх форму адзення. Вялікую ўвагу звярнулі на веданне вучнямі законаў БРПА.

На працягу ўсяго мерапрыемства рабяты паўдзельнічалі ў 8 турах: «Слоўнік піянера», «Азбука піянера», «Сімвалы піянераў», «Прававы», «Будзь гатовы – заўсёды гатовы!», «Гульня – справа сур'ёзная», «Лідарства», крыжаванка «БРПА». Усе дзеці праявілі сябе як актыўныя ўдзельнікі піянерскага руху ўстановы адукацыі. Мы перакананыя, што час усе прысутныя правялі з карысцю.

У школьнай бібліятэцы ў рамках шостага школьнага дня прайшла выстава «Зямля бацькоў - мая зямля». Вучні ўстановы адукацыі пазнаёміліся з літаратурай пра нашу дзяржаву, пра нашу малую Радзіму. Асабліва спадабаліся дзецям кнігі нашага земляка Вячаслава Алешкі «Беларусь запаведная» і «Казанне аб беларускай прыродзе».

25 верасня ў рамках акцыі «Міншчына спартыўная. Восень» паміж вучнямі 5-8 класаў прайшла гульня-забава «Восеньскі настрой» з мэтай развіцця спрыту і хуткасці рэакцыі, увагі, удасканалення хуткасна-сілавых якасцей, выхавання разумення каштоўнасці здароўя, патрэбы быць здаровым, моцным. Дзеці ўдзельнічалі ў такіх конкурсах, як «Стройся!», «Скачкі з месца», «Селі-ўсталі», «Не згубі мяч», а таксама адгадвалі розныя загадкі на спартыўную тэматыку. Мерапрыемства атрымалася насычаным і запамінальным. І не важна, хто перамог, галоўнае, усе атрымалі задавальненне ад праведзенага разам часу.