Каб атрымаць сертыфікаты ЦТ, трэба прад'явіць і дакумент аб адукацыі

Раней сертыфікаты ЦТ выдавалі па прад'яўленні пашпарта і пропуску ЦТ з адзнакай «Тестирование прошёл». З гэтага года, каб іх атрымаць, трэба ўзяць з сабой і дакумент аб адукацыі (атэстат або дыплом). Гэтае правіла ўжо зацверджана пастановай Савета Міністраў № 316. Яно ўступіла ў сілу 12 чэрвеня.

Сертыфікаты ЦТ пачнуць выдаваць з 16 ліпеня тым, хто здаваў ЦТ у асноўныя дні, з 23 ліпеня — у рэзервовыя дні. Дакументы можна забраць у пункце тэсціравання, дзе праходзіў ЦТ. Самі вынікі ЦТ будуць вядомыя праз 10-12 рабочых дзён пасля напісання ЦТ. Уступная кампанія пачынаецца 20 ліпеня.

Калі сертыфікат абітурыент не зможа атрымаць самастойна па ўважлівай прычыне (захворванне, удзел у міжнародных конкурсах і спаборніцтвах, службовая камандзіроўка ці іншыя абставіны, якія не залежаць ад абітурыента, пацверджаныя дакументальна) яго могуць забраць законныя прадстаўнікі. У такім выпадку трэба будзе прад'явіць дакумент, які сведчыць асобу; дакумент, які пацвярджае статус законнага прадстаўніка; копію дакумента, які сведчыць асобу абітурыента, завераная натарыяльна; копію дакумента аб адукацыі (атэстат аб агульнай сярэдняй адукацыі, або дыплом аб прафесійна-тэхнічнай адукацыі, або дыплом аб сярэдняй спецыяльнай адукацыі).