Аграрны клас

 План работы ХІ класа прафесійнай (аграрнай) накіраванасці

Дзейнасць работы аграрных груп ДУА "Кухчыцкая сярэдняяя школа Клецкага раёна"

У рамках прафарыентацыйнага праекта "Стань студэнтам інжынерна-тэхналагічнага факультэта БДАТУ на адзін дзень" вучні аграрных груп 10-11 класаў "Кухчыцкай сярэдняй школы" наведалі Беларускі дзяржаўны аграрна-тэхнічны ўніверсітэт. Юнакі і дзяўчаты азнаёміліся з матэрыяльна-тэхнічнай базай БДАТУ, наведалі музей культуры і побыту беларускага сялянства, спарткомплекс, агракомплекс "Ждановічы" і цяплічны комплекс "Багатырова", пагутарылі з дэканам інжынерна-тэхналагічнага факультэта Брэнчам Андрэем Аляксандравічам, наведалі вучэбна-выставачны павільён сельскагаспадарчай тэхнікі.

У 2023/2024 навучальным годзе для вучняў ІХ, Х і ХІ(аграрная група) класаў  арганізаваны экскурсіі на механічны двор, які знаходзіцца ў аг. Кухчыцы і МТФ "Іскры"і "Кухчыцы".

Спецыялісты ААТ "Кухчыцы": аграномы, заатэхнікі, ветэрынарныя ўрачы – наглядна дэманструюць юнакам і дзяўчатам работу сучаснай сельскай гаспадаркі, якая ўяўляе сабой высокатэхналагічную вытворчасць і патрабуе добра падрыхтаваных спецыялістаў.

У ходзе экскурсіі вучні знаёмяцца з сельскагаспадарчымі прафесіямі, якія з’яўляюцца найбольш запатрабаванымі ў апошні час.

Вучні аграрных груп 10 і 11 класаў ДУА "Кухчыцкая сярэдняя школа Клецкага раёна" наведалі Гродзенскі дзяржаўны аграрны ўніверсітэт.

Педагогамі ўніверсітэта быў арганізаваны Дзень адчыненых дзвярэй. Для навучэнцаў была праведзена займальная экскурсія па навучальных кабінетах і лабараторыях. Дзеці наведалі кафедры этымалогіі, батанікі і аграхіміі. З цікавасцю азнаёміліся з работай вучэбна-кансультацыйнага пункта "Цэнтр ДАВП", ветэрынарнай клінікі "UniBetЭксперт", прагледзелі прэзентацыі факультэта ветэрынарнай медыцыны і біятэхналагічнага факультэта.

09.02.2024 года навучэнцы ДУА "Кухчыцкая сярэдняя школа Клецкага раёна" прынялі ўдзел у прафарыентацыйнай акцыі "Дзень з прадпрыемствам". Падлеткі акунуліся ў атмасферу працоўных будняў ААТ "Кухчыцы". У ходзе экскурсіі навучэнцы пазнаёміліся са спецыяльнасцямі інжынер-аграном, інжынер-заатэхнік, ветэрынарны ўрач.

Практычны занятак "Вывучэнне структуры і функцыянавання зоаветэрынарнай службы ў сельскагаспадарчай арганізацыі" аграрнай групы на базе вытворчых аб'ектаў ААТ "Кухчыцы".

У рамках азнаямлення з арганізацыяй работы сельскагаспадарчай вытворчасці навучэнцы ДУА "Кухчыцкая сярэдняя школа Клецкага раёна" наведалі  ААТ "Кухчыцы". Спецыялісты гаспадаркі правялі экскурсіі, падчас якіх паведамілі пра спецыфіку працы з жывёламі і тэхнікай.

01.12.2023 на базе ДУА "Клецкая сярэдняя школа 3" адбыўся фестываль класаў прафесійнай накіраванасці. Навучэнцы 10-11 класаў Кухчыцкай школы Клецкага раёна выступілі з візітнай карткай агракласа. У завяршэнні фестывалю вучні паўдзельнічалі ў прафарыентацыйнай гутарцы.

У ДУА "Кухчыцкая сярэдняя школа Клецкага раёна" 23 лістапада 2023 г. прайшло мерапрыемства інфармацыйна-адукацыйнага праекта "Школа Актыўнага Грамадзяніна" на тэму "Радзіма мая Беларусь у асобах. У гэтай красе велічнай ёсць доля працы маёй" (аб працаўніках прамысловасці і сельскай гаспадаркі) для навучэнцаў 8-11 класаў.

ШАГ 1 "Мы даведваемся"

Малюга Дар'я Мікалаеўна, класны кіраўнік 9 класа, актуалізавала веды вучняў аб прамысловасці і сельскай гаспадарцы Рэспублікі Беларусь з дапамогай інтэрактыўнай віктарыны "Мы даведаемся". Навучэнцы разважалі і адказвалі на пытанні, знаёміліся з галінамі машынабудавання, з нацыянальнымі брэндамі ў сферы транспартнага машынабудавання, з працаўнікамі прамысловай вытворчасці, сельскай гаспадаркі з дапамогай прэзентацыі "Радзіма мая Беларусь у асобах. У гэтай красе велічнай ёсць доля працы маёй".

ШАГ 2 "Мы разважаем"

Запрошаны госць мерапрыемства Здрок Сяргей Паўлавіч, дырэктар ААТ "Кухчыцы", выступіў з расповедам для навучэнцаў аб тым, што штодзённая карпатлівая добрасумленная праца, клопат пра сваю сям'ю, актыўная грамадзянская пазіцыя, любоў да сваёй справы, Радзімы, прыхільнасць маральным ідэалам – тое, што, бясспрэчна, можна аднесці да характарыстык лепшых беларусаў. Сяргей Паўлавіч расказаў навучэнцам аб сваіх асабістых поспехах у аграрнай галіне, дасягнутых выніках, выражаных пэўнымі лічбавымі паказчыкамі па валоўцы, ураджайнасці, надоях, прыбаўках і аб высокай працаздольнасці і добрасумленнай працы калектыву ААТ "Кухчыцы".

ШАГ 3 "Мы дзейнічаем"

Дар'я Мікалаеўна падвяла вынікі аб тым, наколькі актуальная для навучэнцаў тэма, аб дасягненнях у розных галінах народнай гаспадаркі, аб тым, што нашай краіне патрэбныя адукаваныя, гаспадарчыя, якія ведаюць сваю справу, беражлівыя, усёй душой гатовыя працаваць на карысць сваёй Радзімы людзі.

14.10.2023 года актывісты ГА "БРСМ" ДУА "Кухчыцкая сярэдняя школа Клецкага раёна" прынялі ўдзел у закрыцці працоўнага семестра – 2023. У аграгарадку Кухчыцы высаджана алея каля Памятнага знака, у гонар ударна працаваўшага студэнцкага атрада "Рытм".

13.10.2023 года прайшла прафарыентацыйная сустрэча з прадстаўніком УА "Гродзенскі дзяржаўны аграрны ўніверсітэт", падчас якой навучэнцаў праінфармавалі аб факультэтах і спецыяльнасцях аграрнага ўніверсітэта. Вучням была прадэманстравана прэзентацыя аб асаблівасцях уступнай кампаніі, правілах прыёму для атрымання агульнай вышэйшай і спецыяльнай вышэйшай адукацыі, а таксама быў зроблены акцэнт на мэтавую падрыхтоўку спецыяліста з падрабязным тлумачэннем асноўных палажэнняў аб мэтавай падрыхтоўцы.

05.10.2023 года прайшла прафарыентацыйная сустрэча з прадстаўнікамі УА "Віцебская ордэна "Знак Пашаны" дзяржаўная акадэмія ветэрынарнай медыцыны". Навучэнцы 9-11 класаў у ходзе дэманстрацыі відэафільма і жывых зносін юнакі і дзяўчаты даведаліся аб тым, на якіх факультэтах і па якіх спецыяльнасцях ажыццяўляецца навучанне ў акадэміі, якія перспектывы чакаюць выпускнікоў акадэміі, а таксама азнаёміліся з правіламі паступлення і ўмовамі побыту і вольнага часу студэнтаў дадзенай установы адукацыі.

17 сакавіка 2023 г. дацэнтам кафедры аграхіміі Кагоцька Юрыем Уладзіміравічам была праведзена прафарыентацыйная работа  з вучнямі 10-11 класаў Кухчыцкай сярэдняй школы.

Будучым абітурыентам было расказана аб значнасці сельскай гаспадаркі і спецыялістаў гэтай галіны ў харчовай бяспецы краіны. Падчас  сустрэчы прысутным была прадстаўлена прэзентацыя аб факультэтах акадэміі, наяўных спецыяльнасцях, умовах паступлення ва УА БДСГА.

У рамках акцыі "Дзень з прадпрыемствам" навучэнцы ДУА "Кухчыцкая сярэдняя школа Клецкага раёна" наведалі малочна-таварныя фермы і мехдвор ААТ "Кухчыцы". Спецыялісты гаспадаркі правялі экскурсію падчас якой паведамілі пра спецыфіку працы з жывёламі і тэхнікай.

27 лютага навучэнцы 9 класа ДУА "Кухчыцкая сярэдняя школа Клецкага раёна" прынялі ўдзел у прафарыентацыйным мерапрыемстве, якое прайшло ў ААТ "Кухчыцы" з прадстаўнікамі УА "Ільянскі дзяржаўны аграрны каледж". Хлопцы пазнаёміліся з шэрагам прафесій, якія можна атрымаць навучаючыся ў каледжы.

Прафарыентацыйную гутарку з навучэнцамі Кухчыцкай сярэдняй школы Клецкага раёна правялі супрацоўнікі Віцебскай ордэна "Знак Пашаны" дзяржаўнай акадэміі ветэрынарнай медыцыны, якія паведамілі пра асаблівасці ўступнай кампаніі 2023 года. Для будучых абітурыентаў была праведзена прэзентацыя факультэтаў ВНУ.

24 лістапада ў Кухчыцкай СШ прайшоў інфармацыйны праект ШАГ "Гонар за Беларусь. Наша прамысловасць-надзейны падмурак незалежнасці" (развіццё машынабудавання, хімічнай і нафтахімічнай прамысловасці, вытворчасць калійных угнаенняў). Людміла Эдуардаўна Аўдзей, класны кіраўнік 10 класа, звярнула ўвагу на асноўныя элементы "Машынабудаванне-аснова і рухаючая сіла эканомікі нашай краіны", "Беларусь – "краіна вялікай хіміі"", "Горна-абагачальны камбінат ААТ "Беларуськалій" – нацыянальны здабытак Рэспублікі Беларусь". Запрошаны госць быў дырэктар ААТ "Кухчыцы" Здрок Сяргей Паўлавіч, які паведаміў дзецям пра вышэйшыя і сярэднія навучальныя ўстановы сельскагаспадарчага напрамку.

У рамках  прафарыентацыйнай работы ў Кухчыцкай сярэдняй школе Клецкага раёна адбылася сустрэча вучняў 10-11 класаў з дырэктарам ААТ “Кухчыцы” Здрокам Сяргеем Паўлавічам. Кіраўнік гаспадаркі паведаміў аб сучасных падыходах да арганізацыі работы сельскагаспадарчага прадпрыемства, зацікаўленасці ў мэтавай падрыхтоўцы спецыялістаў у галіне ветэрынарыі, эканомікі і арганізацыі вытворчасці, ільготах і даплатах прадпрыемства будучым студэнтам.