Год якасці 2024

У ДУА "Кухчыцкая сярэдняя школа Клецкага раёна" 2 красавіка 2024 года праведзены адзіны ўрок, прысвечаны Дню яднання народаў Беларусі і Расіі. Урок спрыяў фарміраванню ў вучняў уяўленняў аб гістарычных і культурных сувязях Беларусі і Расіі, захавання агульных гістарычных каштоўнасцей, садзейнічання ўсведамленню навучэнцамі каштоўнасці дружбы паміж народамі Беларусі і Расіі, распаўсюджвання вопыту рэалізацыі інавацыйнага патэнцыялу сучаснай моладзі для далейшага развіцця Саюзнай дзяржавы.

Педагогі пазнаёмілі дзяцей з гісторыяй узнікнення свята Дня яднання народаў Беларусі і Расіі, абмеркавалі, што беларускі і расійскі народ звязвае моцнае сяброўства, якое мае глыбокія карані і даўнія традыцыі, існуе агульная гісторыя, адна культура. Асаблівую старонку ў гісторыі нашых дзяржаў займае Вялікая Айчынная вайна 1941-1945 гг. так як разам мы адстойвалі сваё жыццё і свабоду ў барацьбе супраць ворагаў.

Навучэнцы пагаварылі аб сімвалах дзвюх дзяржаў, мовах, святах, даведаліся аб супрацоўніцтве краін у сферах адукацыі, прамысловасці, будаўніцтва, культуры, сельскай гаспадаркі, а таксама аб сумесных праектах, даследаваннях, аб’ектах будаўніцтва Беларусі і Расіі.

У ДУА "Кухчыцкая сярэдняя школа Клецкага раёна" 21 сакавіка 2024 года адбылося мерапрыемства інфармацыйна-адукацыйнага праекта "Школа актыўнага грамадзяніна" на тэму "Радзіма мая Беларусь у асобах. Адданыя справе і краіне" (аб дзяржаўных дзеячах, прадстаўніках органаў дзяржаўнага кіравання) для вучняў 8-11 класаў.

ШАГ 1 "Мы даведаемся"

Малюга Дар’я Мікалаеўна, класны кіраўнік 9 класа, актуалізавала веды вучняў аб дзяржаўным кіраванні Рэспублікі Беларусь з дапамогай інтэрактыўнай віктарыны "Мы даведаемся". Навучэнцы разважалі аб дзяржаўнай уладзе ў Рэспубліцы Беларусь, аб праве выбаршчыка, аб моладзевых грамадскіх аб’яднаннях, адказвалі на пытанні і абмяркоўвалі атрыманую інфармацыю.

ШАГ 2 "Мы разважаем"

Запрошаны госць мерапрыемства Карпач Ганна Сяргееўна, лейтэнант міліцыі, старшы інспектар па агітацыі і прапагандзе МА ДАІ МГБ Нясвіжскага РАУС. Мерапрыемства прайшло ў форме гутаркі з выкарыстаннем фармату тэлевізійнага праекта “100 пытанняў даросламу”, падчас якога Ганна Сяргееўна адказвала з задавальненнем на ўсе пастаўленыя пытанні навучэнцаў.

ШАГ 3 "Мы дзейнічаем"

Дар’я Мікалаеўна падвяла вынікі, што вельмі важна памятаць, што мы з’яўляемся грамадзянамі Рэспублікі Беларусь. Росквіт краіны дасягаецца намаганнямі ўсіх грамадзян. Быць грамадзянінам Рэспублікі Беларусь - гэта значыць быць яе патрыётам. Толькі сваімі справамі чалавек можа даказаць сваю любоў да Радзімы.

У канцы мерапрыемства, навучэнцам, якім споўнілася 14 гадоў, былі ўручаны падарункавыя выданні "Я – грамадзянін Рэспублікі Беларусь".

19.03.2024 у рамках мерапрыемстваў прысвечаных Году якасці, у ДУА "Кухчыцкая сярэдняя школа Клецкага раёна" прайшла інфармацыйная гадзіна "Беларусь – краіна са знакам якасці".

5 сакавіка 2024 года навучэнцы 1-11 класаў ДУА "Кухчыцкай сярэдняй школы Клецкага раёна" прынялі ўдзел у адзіным уроку Дзень Канстытуцыі Рэспублікі Беларусь з мэтай фарміравання ў вучняў прававой культуры, актыўнай грамадзянскай пазіцыі, разумення сутнасці і значэння Канстытуцыі Рэспублікі Беларусь, гатоўнасці свядома і актыўна выконваць грамадзянскія абавязкі, выконваць і паважаць законы сваёй краіны.

Вучні школы, адказваючы на пытанні настаўнікаў, прадэманстравалі свае веды. Дзень Канстытуцыі – свята важнае і цэнтральнае для гісторыі незалежнай краіны. У Канстытуцыі закладзены асновы рэгулявання прававой, палітычнай і эканамічнай сістэмы. Асноўны Закон замацоўвае неад’емныя правы чалавека і гарантыі іх рэалізацыі, узаемныя абавязкі грамадзяніна і дзяржавы, парадак фарміравання і функцыянавання органаў улады.

Веданне Канстытуцыі – гэта не толькі абавязак кожнага грамадзяніна, але і ключавы фактар для абароны сваіх правоў і свабод.

У выніку праведзенай работы ўсе навучэнцы школы былі ахоплены мерапрыемствамі, прысвечанымі Дню Канстытуцыі Рэспублікі Беларусь.

Выхаванцы дашкольнай адукацыі гэтак жа пазнаёміліся з паняццем "закон", "парадак", "права", паўтарылі дзяржаўную сімволіку: сцяг, герб. Была праведзена гутарка, дзе дзеці знаёміліся з важным дакументам у іх жыцці, гулялі ў дыдактычныя гульні "Назаві вобласці Беларусі", "Пакажы на карце Беларусь". Выхаванцы замацавалі ўяўленні аб тым, якія правы ёсць у грамадзян нашай краіны, якія прапісаны ў Канстытуцыі Рэспублікі Беларусь.

У ДУА "Кухчыцкая сярэдняя школа Клецкага раёна" 22 лютага 2024 года адбылося мерапрыемства інфармацыйна-адукацыйнага праекта "Школа актыўнага грамадзяніна" на тэму "Радзіма мая Беларусь у асобах. Абаронцы Айчыны" (пра супрацоўнікаў Узброеных Сіл, пагранічнай службы, мытнай службы, МНС) для вучняў 8-11 класаў.

ШАГ 1 "Мы даведваемся"

Класны кіраўнік 10 класа, Майсейчык Вікторыя Вітальеўна актуалізавала веды вучняў з выкарыстаннем інтэрактыўнай віктарыны "Мы даведаемся".  З дапамогай прэзентацыі "Радзіма мая Беларусь у асобах. Абаронцы Айчыны" навучэнцы пазнаёміліся з супрацоўнікамі Узброеных Сіл, пагранічнай службы, мытнай службы, МНС.

ШАГ 2 «Мы разважаем»

Запрошаны госць мерапрыемства Захараў Сяргей Іванавіч, старшыня раённай арганізацыі ГА «Беларускі саюз ветэранаў вайны ў Афганістане». Сяргей Іванавіч падзяліўся расповедам для дзяцей пра службу ў арміі ў Афганістане, пра жыццё воінаў-афганцаў у той перыяд часу, пра тое, як важна быць патрыётам сваёй Радзімы.

Мерапрыемства праходзіла ў форме гутаркі з выкарыстаннем фармату тэлевізійнага праекта "100 пытанняў даросламу", падчас якога Сяргей Іванавіч адказваў з задавальненнем на ўсе пастаўленыя пытанні навучэнцаў. Падчас мерапрыемства ўшанавалі хвілінай маўчання ўсіх загінуўшых.

У завяршэнні мерапрыемства навучэнцы разам з класным кіраўніком, павіншавалі з надыходзячым святам Сяргея Іванавіча. Кожная такая сустрэча – гэта ўнікальная магчымасць для дзяцей дакрануцца да гісторыі, даведацца пра падзеі ваенных гадоў ад чалавека, які ўсё гэта перажыў і памятае.

ШАГ 3 "Мы дзейнічаем"

Вікторыя Вітальеўна падвяла вынікі аб тым, што ваенная служба ва ўсе часы была справай гонару, школай мужнасці і самаадданасці, а Рэспубліка Беларусь – незалежная суверэнная дзяржава, у якой забяспечаны найвялікшыя каштоўнасці – мір і стабільнасць.

09.02.2024 года навучэнцы ДУА "Кухчыцкая сярэдняя школа Клецкага раёна" прынялі ўдзел у прафарыентацыйнай акцыі "Дзень з прадпрыемствам". Падлеткі акунуліся ў атмасферу працоўных будняў ААТ "Кухчыцы". У ходзе экскурсіі навучэнцы пазнаёміліся са спецыяльнасцямі інжынер-аграном, інжынер-заатэхнік, ветэрынарны ўрач.