Метадычная капілка

Якасны склад педагагічных кадраў

разгарнуць

Перспектыўны план атэстацыі педагагічных работнікаў ДУА "Кухчыцкі НПК дзіцячы сад-сярэдняя школа Клецкага раёна" на 2019-2023 гг.

разгарнуць

Графік павышэння кваліфікацыі педагагічнымі работнікамі ўстановы адукацыі ў 2023 годзе

разгарнуць

Каталог друкаваных выданняў педагогаў установы адукацыі

разгарнуць

Картатэка абагульнення эфектыўнай педагагічнай практыкі педагогаў

разгарнуць

Картатэка

 абагульнення эфектыўнай педагагічнай практыкі педагогаў

п/п

Прозвішча, імя, імя па бацьку настаўніка.

Прадмет, стаж работы, катэгорыя

Тэма абагульнення вопыту работы

Год абагульнення вопыту

Напрацоўкі і матэрыялы

 

1.

Лобка

Данута

Рышардаўна Настаўнік пачатковых класаў вышэйшай кваліфікацыйнай катэгорыі

Стаж – 31 год

Лексическая работа на уроках русского языка

Выступленне на педагагічным савеце з прэзентацыяй (прадастаўленне матэрыялаў у форме  брашуры)

2010/2011 н.г.

Распрацоўкі ўрокаў і пазакласных мерапрыемстваў

2.

Чывель

Аксана

Аляксееўна Настаўнік беларускай мовы і літаратуры вышэйшай кваліфікацыйнай катэгорыі

Стаж – 19 гадоў

Выкарыстанне інфармацыйных тэхналогій на ўроках беларускай мовы і літаратуры і ў пазакласнай дзейнасці

Выступленне на педагагічным савеце з прэзентацыяй (прадастаўленне матэрыялаў у форме  брашуры)

2012/2013 н.г.

Распрацоўкі ўрокаў і пазакласных мерапрыемстваў

3.

Валасевіч Данута Міхайлаўна

Настаўнік гісторыі і грамадазнаўства

вышэйшай кваліфікацыйнай катэгорыі

Стаж – 30 гадоў

 

Кампетэнтнасны падыход у навучанні гісторыі і грамадазнаўства як сродак фарміравання актыўнай грамадзянскай пазіцыі вучняў

Выступленне на педагагічным савеце з прэзентацыяй матэрыялу (прадастаўленне матэрыялаў у форме  брашуры)

2014/2015 н.г.

Практычныя матэрыялы па арганізацыі праектна-даследчай дзейнасці

4.

Лобка

Данута

Рышардаўна Настаўнік пачатковых класаў вышэйшай кваліфікацыйнай катэгорыі

Стаж – 34 гады

Лексическая работа на уроках русского языка

Выступленне на педагагічным савеце з прэзентацыяй (прадастаўленне матэрыялаў у форме  брашуры)

2015/2016 н.г.

Распрацоўкі ўрокаў і пазакласных мерапрыемстваў

5.

Мілішкевіч

Сафія

Васільеўна Настаўнік матэматыкі вышэйшай кваліфікацыйнай катэгорыі

Стаж – 32 гады

Выкарыстанне вусных практыкаванняў у адукацыйным працэсе па

матэматыцы як сродак фарміравання вылічальных навыкаў навучэнцаў

Выступленне на педагагічным савеце (прадастаўленне матэрыялаў у форме  брашуры)

2016/2017 н.г.

Распрацоўкі ўрокаў і пазакласных мерапрыемстваў

6.

Аўдзей Людміла Эдуардаўна

Настаўнік геаграфіі і біялогіі вышэйшай кваліфікацыйнай катэгорыі

Стаж – 21 год

Выкарыстанне міжпрадметных сувязей на ўроках геаграфіі як важнейшая ўмова

актывізацыі пазнаваўчай дзейнасці

Выступленне на педагагічным савеце з прэзентацыяй матэрыялу (прадастаўленне матэрыялаў у форме  брашуры)

2017/2018 н.г

Распрацоўкі ўрокаў і пазакласных мерапрыемстваў

7.

Валасевіч Данута Міхайлаўна

Настаўнік гісторыі і грамадазнаўства

вышэйшай кваліфікацыйнай катэгорыі

Стаж – 34 гады

 

Выкарыстанне міжпрадметных сувязей на ўроках гісторыі як найважнейшая ўмова актывізацыі пазнавальнай дзейнасці вучняў і кампетэнтнасці педагога

Выступленне на педагагічным савеце з прэзентацыяй матэрыялу (прадастаўленне матэрыялаў у форме  брашуры)

2018/2019 н.г.

Практычныя матэрыялы па арганізацыі праектна-даследчай дзейнасці

8.

Валасевіч Данута Міхайлаўна

Настаўнік гісторыі і грамадазнаўства

вышэйшай кваліфікацыйнай катэгорыі

Стаж – 35 гадоў

 

Фарміраванне даследчых кампетэнцый вучняў на ўроках гісторыі

Выступленне на педагагічным савеце з прэзентацыяй матэрыялу 2019/2020 н.г.

Практычныя матэрыялы па фарміраванні даследчых кампетэнцый вучняў на ўроках гісторыі

9.

Валасевіч Данута Міхайлаўна

Настаўнік гісторыі і грамадазнаўства

вышэйшай кваліфікацыйнай катэгорыі

Стаж – 36 гадоў

 

Рэсурсны цэнтр як сродак удасканалення прафесійных кампетэнцый педагогаў

Выступленне на педагагічным савеце з прэзентацыяй матэрыялу 2020/2021 н.г.

Практычныя матэрыялы па ўдасканаленні прафесійных кампетэнцый педагогаў

10.

Ждановіч Кацярына Аляксандраўна

Настаўнік фізічнай культуры і здароўя

вышэйшай кваліфікацыйнай катэгорыі

Стаж – 10 гадоў

Рухомыя гульні як сродак развіцця спрытнасці малодшых школьнікаў

Выступленне на педагагічным савеце з прэзентацыяй матэ рыялу

(прадастаўленне матэрыялаў у форме  брашуры)

2020/2021 н.г.

Практычныя матэрыялы па ўдасканаленні фізічнага развіцця малодшых школьнікаў

згарнуць

РКР па вучэбным прадмеце "Гісторыя Беларусі"

31.01.2023
разгарнуць

На падставе загада Міністэрства адукацыі Рэспублікі Беларусь ад 20.07.2022 № 476 “Аб вывучэнні якасці агульнай сярэдняй адукацыі ў 2022/2023 навучальным годзе”, загада начальніка галоўнага ўпраўлення па адукацыі Мінаблвыканкама ад 31.08.2022 № 406 “Аб вывучэнні якасці агульнай сярэдняй адукацыі ў 2022/2023 навучальным годзе”, загада начальніка ўпраўлення па адукацыі, спорце і турызме Клецкага райвыканкама ад 16.01.2023 № 40 “Аб вывучэнні якасці агульнай сярэдняй адукацыі ва ўстановах раёна ў 2022/2023 навучальным годзе”, 31 студзеня 2023 вучні 10 класа Кухчыцкай сярэдняй школы прынялі ўдзел у рэспубліканскай кантрольнай рабоце па вучэбным прадмеце “Гісторыя Беларусі”.

згарнуць

Педагагічны савет "Удасканаленне прафесійнай кампетэнтнасці педагогаў як сродак фарміравання асобасных, метапрадметных і прадметных кампетэнцый вучняў"

05.01.2023
разгарнуць

05.01.2023 згодна з планам работы ўстановы адукацыі на 2022/2023 навучальны год быў праведзены педагагічны савет “Удасканаленне прафесійнай кампетэнтнасці педагогаў як сродак фарміравання асобасных, метапрадметных і прадметных кампетэнцый вучняў”.

Падчас педагагічнага савета настаўнікі Місюкевіч А.В. і Рэзнік Т.Г. прадэманстравалі прымяненне “гексаганальнага навучання” на ўроках у пачатковых класах. 

Аўдзей Л.Э., настаўнік біялогіі і геаграфіі, прапанавала прыёмы па развіцці асобы вучняў праз фарміраванне “гнуткіх” навыкаў пры падрыхтоўцы да алімпіяд, конкурсаў, творчых праектаў.

Аб фарміраванні асобасных і метапрадметных кампетэнцый вучняў з дапамогай  сучасных адукацыйных тэхналогій і методык, заснаваных на дыялогу і супрацоўніцтве расказала настаўнік анлійскай мовы Кулік Д.М. Дар’я Мікалаеўна спынілася на выкарыстанні прыёмаў “акварыум”, “карусель”, “ролевая гульня”.

Майсейчык В.В. пазнаёміла з метадычнай капілкай сучасных урокаў рускай мовы і літаратуры з выкарыстаннем фрагментаў мастацкіх фільмаў-экранізацый.

Аб арганізацыі праектнай дзейнасці ва ўрочны і пазаўрочнай час з прымяненнем “кейс-стадзі” паведаміла Мілішкевіч С.В., настаўнік матэматыкі.

Круглік Л.М. прывяла прыклады прымянення візуалізацыі вучэбнай інфармацыі на ўроках працоўнага навучання.

Намеснік дырэктара па вучэбнай рабоце Ждановіч А.І. і кіраўнік МА прыродазнаўча-матэматычнага цыкла правялі майстар-клас “Фарміраванне станоўчага іміджа школы”. Педагогі прадэманстравалі метадычнае майстэрства, умелае валоданне педагагічнай тэхнікай. У выніку педсавета педагагічны кейс настаўнікаў папоўніўся новымі прыёмамі педагагічных тэхналогій.

згарнуць

Другі этап рэспубліканскага конкурсу прафесійнага майстэрства "Настаўнік года Клецкага раёна – 2023"

22.12.2022
разгарнуць

Метадычнае майстэрства, умелае валоданне педагагічнай тэхнікай і навыкамі правядзення сучасных урокаў і заняткаў прадэманстравалі педагогі ДУА «Кухчыцкая сярэдняя школа Клецкага раёна» у рамках другога этапу рэспубліканскага конкурсу прафесійнага майстэрства «Настаўнік года Клецкага раёна – 2023».

13.12.2022 на базе ДУА «Клецкая сярэдняя школа № 1» у 9 класе настаўнікам інфарматыкі Навіцкай Г.В. праведзены ўрок па тэме «Паняцце электроннай табліцы».

15.12.2022 настаўнікам рускай мовы і літаратуры Майсейчык В.В. на базе ДУА «Клецкая сярэдняя школа № 3» праведзены ўрок у 7 класе па тэме «Л.Н.Толстой. После бала».

20.12.2022 праведзены серыі ўрокаў: па прадмеце «Чалавек і свет» у 2 класе «Ахова раслін» на базе ДУА «Клецкая сярэдняя школа № 3» (настаўнік пачатковых класаў Пілецкая І.У.), у 2 класе «Алімпійскія гульні» на базе ДУА «Клецкая сярэдняя школа № 1» (настаўнік фізічнай культуры і здароўя Ждановіч К.А.).

21.12.2022 выхавальнікам дашкольнай адукацыі Ганчарык А.М. на базе ДУА «Клецкі яслі-сад № 2» у старэйшай групе па адукацыйнай галіне «Дзіця і грамадства» праведзены занятак «Птушкі».

 Віншуем пераможцаў і прызёраў:

Дыплом І ступені – Навіцкая Г.В., настаўнік інфарматыкі;

Дыплом І ступені – Ждановіч К.А., настаўнік фізічнай культуры і здароўя;

Дыплом ІІ ступені – Майсейчык В.В., настаўнік рускай мовы і літаратуры;

Дыплом ІІІ ступені – Ганчарык А.М., выхавальнік дашкольнай адукацыі;

ІV месца – Пілецкая І.У., настаўнік пачатковых класаў.

згарнуць

Першы этап рэспубліканскага конкурсу прафесійнага майстэрства "Настаўнік года Клецкага раёна – 2023"

21.11.2022
разгарнуць

У адпаведнасці з Палажэннем аб арганізацыі і правядзенні рэспубліканскага конкурсу прафесійнага майстэрства педагагічных работнікаў “Настаўнік года Рэспублікі Беларусь”, зацверджанага пастановай Савета Міністраў Рэспублікі Беларусь ад 02.04.2018 № 243 і згодна з загадам дырэктара ўстановы адукацыі ад 11.11.2022 № 318 “Аб падрыхтоўцы і правядзенні першага этапу рэспубліканскага конкурсу прафесійнага майстэрства педагагічных работнікаў “Настаўнік года Рэспублікі Беларусь” першы этап ва ўстанове адукацыі пачаўся з 14.11.2022.

Метадычнае майстэрства, умелае валоданне педагагічнай тэхнікай і навыкамі правядзення сучасных урокаў дэманструюць педагогі ДУА «Кухчыцкая сярэдняя школа Клецкага раёна» у рамках рэспубліканскага конкурсу прафесійнага майстэрства.

18.11.2022 настаўнікам пачатковых класаў Пілецкай І.У. праведзены ўрок абагульнення ведаў па тэме "Састаў ліку 5",  настаўнікам фізічнай культуры і здароўя Ждановіч К.А. – урок-гульня ў 3 класе "Паласа перашкод". 21.11.2022 праведзены серыі ўрокаў: у 7 класе па інфарматыцы "Выканаўца Робат" (Навіцкая Г.В.), у 3 класе па англійскай мове "Падарункі членаў сям’і" (Кулік Д.М.), настаўнікам рускай мовы і літаратуры Майсейчык В.В. урок у 6 класе па тэме "Образование сложных слов".

згарнуць

Нарада пры дырэктары

30.09.2022
разгарнуць

30.09.2022 згодна з планам работы ўстановы адукацыі на 2022/2023 навучальны год была праведзена нарада пры дырэктары, дзе былі разгледжаны пытанні "Аналіз выканання п.2. арт. 26 Закона Рэспублікі Беларусь "Аб агульнай сярэдняй адукацыі"", "Вынікі правядзення першага этапу рэспубліканскай алімпіяды па вучэбных прадметах", "Вынікі агляду вучэбных кабінетаў", "Вынікі праверкі школьнай дакументацыі". На нарадзе быў праведзены падрабязны аналіз работы педагагічнага калектыва па падрыхтоўцы вучняў да ўдзелу ў другім этапе рэспубліканскай алімпіяды па вучэбных прадметах.

згарнуць

Інструктыўна-метадычная нарада "Аб атэстацыі вучняў пры засваенні зместу адукацыйных праграм агульнай сярэдняй адукацыі"

20.09.2022
разгарнуць

З мэтай якаснага ажыццяўлення адукацыйнага працэсу 20.09.2022 была праведзена інструктыўна-метадычная нарада "Аб атэстацыі вучняў пры засваенні зместу адукацыйных праграм агульнай сярэдняй адукацыі". Падчас нарады падрабязна былі разгледжаны новыя правілы правядзення атэстацыі вучняў пры засваенні зместу адукацыйных праграм агульнай сярэдняй адукацыі, зацверджаныя Пастановай Міністэрства адукацыі Рэспублікі Беларусь ад 11.07.2022 № 184, якія ўступілі ў сілу з 1 верасня 2022 года.

згарнуць

Педагагічны савет "Аналіз работы педагагічнага калектыва НПК за 2021/2022 навучальны год"

30.08.2022
разгарнуць

30.08.2022 згодна з планам работы ўстановы адукацыі быў праведзены педагагічны савет  "Аналіз работы педагагічнага калектыва НПК за 2021/2022 навучальны год". На педагагічным савеце быў праведзены падрабязны аналіз работы калектыва па вучэбнай, метадычнай,  выхаваўчай рабоце, кадравым і матэрыяльна-тэхнічным забеспячэнні ў  2021/2022 навучальным годзе.  Выпрацаваны асноўныя накірункі дзейнасці ў новым навучальным годзе.

згарнуць

Інструктыўна-метадычная нарада "Аб нарматыўных прававых і лакальных актах у сферы адукацыі ў 2022/2023 навучальным годзе"

25.08.2022
разгарнуць

З мэтай якаснай падрыхтоўкі да новага навучальнага года 25.08.2022 была праведзена інструктыўна-метадычная нарада "Аб нарматыўных прававых і лакальных актах у сферы адукацыі ў 2022/2023 навучальным годзе". Падчас нарады падрабязна былі разгледжаны асаблівасці арганізацыі адукацыйнага працэсу пры рэалізацыі адукацыйных праграм агульнай сярэдняй адукацыі ў новым навучальным годзе, патрабаванні  да планавання па вучэбных прадметах, вядзення ўстаноўленай планавай і ўлікова-справаздачнай дакументацыі.

згарнуць

Педагагічны савет

28.05.2022
разгарнуць

28.05.2022 згодна з планам работы ўстановы адукацыі на 2021/2022 навучальны год быў праведзены педагагічны савет па пытаннях “Аб допуску вучняў ІX класа да выпускных экзаменаў па завяршэнні навучання і выхавання на II ступені агульнай сярэдняй адукацыі”, “Аб допуску вучняў XІ класа да выпускных экзаменаў па завяршэнні навучання і выхавання на ІІІ ступені агульнай сярэдняй адукацыі”, дзе былі прааналізаваны вынікі вучэбнай дзейнасці вучняў ІX і XІ класаў за 2021/2022 навучальны год. Па выніках педагагічнага савета ўсе вучні дапушчаны да здачы выпускных экзаменаў па завяршэнні навучання і выхавання на ІІ і ІІІ ступенях агульнай сярэдняй адукацыі.

згарнуць

Пасяджэнне МА настаўнікаў пачатковых класаў і выхавальнікаў

25.05.2022
разгарнуць

25.05.2022 згодна з планам работы ўстановы адукацыі на 2021/2022 навучальны год прайшло пасяджэнне МА настаўнікаў пачатковых класаў і выхавальнікаў па тэме “Удасканаленне прафесійнай кампетэнтнасці педагогаў у працэсе самаадукацыі”. У ходзе пасяджэння была прааналізавана дзейнасць метадычнага аб’яднання за 2021/2022 навучальны год, здадзены творчыя справаздачы настаўнікаў МА па тэмах самаадукацыі. 

згарнуць

Пасяджэнне МА настаўнікаў прыродазнаўча-матэматычнага цыкла

24.05.2022
разгарнуць

24.05.2022 прайшло пасяджэнне МА настаўнікаў прыродазнаўча-матэматычнага цыкла ў форме панарамы вопыту па тэме "Педагагічны вопыт выкарыстання эфектыўных метадаў і прыёмаў актывізацыі вучэбна-пазнавальнай дзейнасці вучняў на ўроках і ў пазаўрочны час".

У ходзе пасяджэння быў праведзены аналіз стварэння метадычнай і інфармацыйнай прасторы для ўдасканалення ўзроўню прафесійнай кампетэнтнасці і педагагічнага майстэрства настаўнікаў-прадметнікаў, праведзены творчыя справаздачы настаўнікаў МА па тэмах самаадукацыі, акцэнтавана ўвага на фарміраванне ў педагогаў патрэбнасці ў самаадукацыі і самаразвіцці, трансляцыі вопыту работы педагогаў праз абласныя і рэспубліканскія выданні.

згарнуць

Пасяджэнне метадычнага аб’яднання настаўнікаў гуманітарнага цыкла

24.05.2022
разгарнуць
24.05.2022 адбылося пасяджэнне метадычнага аб’яднання настаўнікаў гуманітарнага цыкла "Бесперапынная самаадукацыя педагога – ключ да поспеху вучня і настаўніка". Педагогі падзяліліся вопытам работы па тэмах самаадукацыі за 2021/2022 навучальны год.
згарнуць

Iнструктыўна-метадычная нарада з членамі экзаменацыйных камісій і педагогамі, якія задзейнічаны ў выпускной кампаніі

20.05.2022
разгарнуць

З мэтай якаснай падрыхтоўкі да выніковай атэстацыі па завяршэнні навучання і выхавання на ІІ і ІІІ ступені агульнай сярэдняй адукацыі 20.05.2022 была праведзена інструктыўна-метадычная нарада з членамі экзаменацыйных камісій і педагогамі, якія задзейнічаны ў выпускной кампаніі. Падчас нарады былі разгледжаны пытанні афармлення і ацэньвання пісьмовых экзаменацыйных работ вучняў па завяршэнні навучання і выхавання на ІІ і ІІІ ступені агульнай сярэдняй адукацыі. Настаўнікі, якія задзейнічаны ў выпускной кампаніі былі азнаёмлены з функцыянальнымі абавязкамі падчас  правядзення экзаменаў.      

згарнуць

Выніковае пасяджэнне атэстацыйнай камісіі

12.05.2022
разгарнуць

Згодна з планам работы атэстацыйнай камісіі на 2021/2022 навучальны год членамі камісіі была вывучана прафесійная дзейнасць настаўніка пачатковых класаў Рэзнік Таццяны Генадзьеўны. 

12.05.2022 адбылося выніковае пасяджэнне атэстацыйнай камісіі, дзе педагогам былі прадстаўлены матэрыялы з вопыту асабістай педагагічнай дзейнасці.

Па выніках пасяджэння настаўніку пачатковых класаў Рэзнік Т.Г.  прысвоена вышэйшая кваліфікацыйная катэгорыя па пасадзе «настаўнік».

згарнуць

Атэстацыя педагагічных кадраў

11.05.2022
разгарнуць

Згодна з планам работы атэстацыйнай камісіі на 2021/2022 навучальны год, у рамках атэстацыі на прысваенне вышэйшай кваліфікацыйнай катэгорыі, настаўнікам пачатковых класаў Рэзнік Т.Г. у 2 класе быў праведзены ўрок рускай мовы па тэме «Предложение как единица речи. Знаки препинания в конце предложения».

Урок быў праведзены ў камбінаванай форме з прымяненнем інфармацыйных тэхналогій. Усе заданні на ўроку былі накіраваны на фарміраванне станоўчых адносін да працы. Вучні складалі сказы, тэксты, прыказкі пра працу. Прымяняліся індывідуальныя, парныя, групавыя формы работы, шмат нагляднага і дыдактычнага матэрыялу, своечасова папярэджвалася стамляемасць дзяцей праз правядзенне фізкультхвілінак і зрокавай гімнастыкі ў музычнай форме па тэматыцы ўрока.

згарнуць

Выніковае пасяджэнне атэстацыйнай камісіі

29.04.2022
разгарнуць

Згодна з планам работы атэстацыйнай камісіі на 2021/2022 навучальны год членамі камісіі была вывучана прафесійная дзейнасць настаўніка пачатковых класаў Дзейка Дзіяны Алегаўны. 

29.04.2022 адбылося выніковае пасяджэнне атэстацыйнай камісіі, дзе педагогам былі прадстаўлены матэрыялы з вопыту асабістай педагагічнай дзейнасці.

Па выніках пасяджэння настаўніку пачатковых класаў Дзейка Дз.А.  прысвоена першая кваліфікацыйная катэгорыя па пасадзе «настаўнік».

згарнуць

Атэстацыя педагагічных кадраў

07.04.2022
разгарнуць

Згодна з планам работы атэстацыйнай камісіі на 2021/2022 навучальны год, у рамках атэстацыі на прысваенне першай кваліфікацыйнай катэгорыі, 07.04.2022 настаўнікам пачатковых класаў Дзейка Дз.А. ў 1 класе быў праведзены ўрок матэматыкі па тэме «Двухзначныя лікі да 20» з прымяненнем мультымедыйнай прэзентацыі.

Урок быў праведзены ў форме падарожжа па казачным лесе. На працягу ўрока вучні выконвалі прыклады ў межах 20, рашалі задачы, разгадвалі рэбусы, малявалі. Прымянялася шмат нагляднага і раздатачнага матэрыялу, своечасова папярэджвалася стамляемасць дзяцей праз правядзенне фізкультхвілінак і зрокавай гімнастыкі па тэматыцы ўрока. На працягу ўрока выпрацоўвалі матэматычныя ўменні і навыкі вучняў.

«С голубого ручейка начинается река. Ну, а дружба начинается с улыбки»,– такімі словамі пачалася гульнявая праграма «Вясёлка сяброўства» ў 1 класе, якая праводзілася ў рамках атэстацыі настаўніка пачатковых класаў Дзейка Дзіяны Алегаўны.

Першакласнікі знаёміліся з паняццямі «сябар», «падтрымка», «узаемадапамога», малявалі вясёлку сяброўства, спявалі песні, складалі кветку пажаданняў, вучыліся дарыць адзін аднаму кампліменты і даваць ацэнку ўчынкам любімых герояў мультыплікацыйных фільмаў і казак.

Займальная форма мерапрыемства садзейнічала пашырэнню ведаў першакласнікаў аб узаемаадносінах людзей, аб сяброўстве. Праграма была накіравана на згуртаванне класнага калектыву, развіццё ўменняў працаваць у камандзе.

згарнуць

Нарада пры дырэктары

28.03.2022
разгарнуць

28.03.2022 згодна з планам работы ўстановы адукацыі на 2021/2022 навучальны год была праведзена нарада пры дырэктары па пытаннях “Вынікі работы ўстановы адукацыі за 3 чвэрць 2021/2022 навучальнага года”, “Ступень падрыхтаванасці вучняў 11 класа да выніковай атэстацыі”, “Аб выкананні праграмнага матэрыялу па прадметах за ІІІ чвэрць 2021/2022 навучальнага года”, “Аб выкананні правіл унутранага распарадку і наведванні заняткаў вучнямі НПК”, “Вынікі праверкі школьнай дакументацыі”. На нарадзе быў праведзены падрабязны аналіз работы педагагічнага калектыва за 3 чвэрць 2021/2022 навучальнага года і падрыхтоўкі вучняў 11 класа да выніковай атэстацыі.

згарнуць

Пасяджэнне метадычнага аб’яднання дырэктароў школ Клецкага раёна

18.03.2022
разгарнуць

18.03.2022 на базе ДУА “Кухчыцкі НПК дзіцячы сад-сярэдняя школа Клецкага раёна” адбылося пасяджэнне метадычнага аб’яднання дырэктароў школ Клецкага раёна.

Удзельнікі гуртка “Ляночак” сустэлі гасцей флэш-мобам “Мы – маладыя, надзея краіны”. У рамках прэзентацыі адукацыйнага працэсу былі праведзены: занятак па адукацыйнай галіне “Дзіця і грамадства” “Наша краіна” ў дашкольнай групе, факультатыўны занятак у 2 класе  “Задачы на вызначэнне часу па гадзінніку, па календары”, занятак аб’яднання па інтарэсах “Чараўніцы” (5-7 класы), урок матэматыкі ў профільнай групе 10 класа на тэму “Корань n-ай ступені з ліку”, факультатыўны занятак “Увядзенне ў аграрныя прафесіі” у 11 класе “Знакамітыя работнікі сельскай гаспадаркі рэгіёна”.

Падчас мерапрыемства настаўнік-метадыст Валасевіч Д.М. правяла майстар-клас “Каб помніць заўжды…”. Выкарыстоўваючы метады драматызацыі, кейс-стадзі кіраўнікі школ працавалі з тэкстамі, фотаздымкамі з асабістага архіву настаўніка, медыятэкстамі, архіўнымі дакументамі. Майстар-клас быў накіраваны на актуальныя пытанні памяці падзей Халакоста, дыскрымінацыі, генацыду, сегрэгацыі, месц памяці.

Кіраўнікі ўстаноў адукацыі раёна прынялі ўдзел у каляндарна-абрадавым свяце “Гуканне вясны”.

згарнуць

Педагагічны савет “Выкарыстанне тэхналогіі візуалізацыі вучэбнай інфармацыі ў сучасным адукацыйным працэсе як сродак павышэння якасці адукацыі навучэнцаў”

11.01.2022
разгарнуць

11.01.2022 згодна з планам работы ўстановы адукацыі на 2021/2022 навучальны год быў праведзены педагагічны савет “Выкарыстанне тэхналогіі візуалізацыі вучэбнай інфармацыі ў сучасным адукацыйным працэсе як сродак павышэння якасці адукацыі навучэнцаў”.

Намеснік дырэктара па вучэбнай рабоце Ждановіч А.І. паведаміла аб традыцыйных (малюнкі, фотаздымкі, доследы і эксперыменты, макеты, фігуры, відэа-дэманстрацыі з гукам, карты, схемы, графікі, калаж…) і сучасных сродках візуалізацыі (карта-ведаў або інтэлект-карта, скетч, скрайбінг, стужка часу…) і прымяненні іх педагогамі ўстановы. Акцэнтавала ўвагу на тым, што ў працэсе навучання павінны прысутнічаць аптымальныя суадносіны выбару візуальных сродкаў навучання.

Аўдзей Л.Э., настаўнік біялогіі і геаграфіі, правяла майстар-клас па мадэліраванні сучаснага ўрока з выкарыстаннем тэхнік візуалізацыі.

Настаўнік фізікі Вараб’ёва Л.П. спынілася на магчымасцях выкарыстання вучэбных матэрыялаў адзінага інфармацыйна-адукацыйнага рэсурса (eіor.by) па  вучэбным прадмеце «Фізіка».

Навіцкая Г.В. паведаміла аб эфектыўнасці выкарыстання візуалізацыі вучэбнай інфармацыі ў фарміраванні чытацкай і матэматычнай граматнасці вучняў па вучэбным прадмеце «Матэматыка».

Аб фарміраванні іншамоўнай камунікатыўнай кампетэнцыі вучняў з дапамогай тэхнік візуалізацыі расказала настаўнік анлійскай мовы Кулік Д.М. Дар’я Мікалаеўна спынілася на выкарыстанні прыёма “ментальнай карты” для работы з лексічным, граматычным і фанетычным матэрыялам.

Чывель А.А. давяла да ведама прысутных формы праектавання вучэбных заняткаў па беларускай мове і літаратуры з выкарыстаннем сучасных метадаў і сродкаў візуалізацыі інфармацыі.

Валасевіч Д.М., настаўнік гісторыі і грамадазнаўства, прадэманстравала прымяненне метадаў “майндмэпінг”, “фішбоун”, “манга”, “грэйтэнг”, “харпт”, табліц Донны Огл, Ісякавы, кругоў Эйлера на ўроках сацыяльна-гуманітарнага цыкла. З дапамогай настаўнікаў на прыкладзе эпізода з жыцця Ю.А.Гагарына (прыём у англійскай каралевы) прадставіла метад “старытэлінг”.

Выступленні суправаджаліся мультымедыйнымі прэзентацыямі, відэаролікамі.

згарнуць

Выніковае пасяджэнне атэстацыйнай камісіі

17.12.2021
разгарнуць

Згодна з планам работы атэстацыйнай камісіі на 2021/2022 навучальны год членамі камісіі была вывучана прафесійная дзейнасць настаўніка рускай мовы і літаратуры Скіба І.А. і кіраўніка фізічнага выхавання Ждановіч К.А. 17.12.2021 адбылося выніковае пасяджэнне атэстацыйнай камісіі, дзе педагогамі былі прадстаўлены матэрыялы педагагічнай дзейнасці па адпаведных накірунках.

Па выніках пасяджэння атэстацыйнай камісіі настаўніку рускай мовы і літаратуры Скіба І.А. прысвоена другая кваліфікацыйная катэгорыя па пасадзе «настаўнік», Ждановіч К.А. прысвоена вышэйшая кваліфікацыйная катэгорыя па пасадзе «кіраўнік фізічнага выхавання».

згарнуць

Вывучэнне асобаснага развіцця вучняў ІХ, ХІ класаў і псіхалагічныя аспекты навучання і выхавання вучняў V класа

07.12.2021
разгарнуць

7 снежня 2021 года згодна з загадам Міністэрства адукацыі Рэспублікі Беларусь ад 02.09.2021 № 623 “Аб арганізацыі работы па правядзенні маніторынга (вывучэння) якасці агульнай сярэдняй адукацыі у 2021/2022 навучальным годзе”, загадам начальніка галоўнага ўпраўлення па адукацыі Мінаблвыканкама ад 29.09.2021 № 445 “Аб правядзенні маніторынга (вывучэння) якасці агульнай сярэдняй адукацыі у 2021/2022 навучальным годзе” і на падставе загада начальніка ўпраўлення па адукацыі, спорце і турызме Клецкага райвыканкама ад 29.11.2021 № 975 “Аб арганізацыі работы па правядзенні маніторынга (вывучэння) якасці агульнай сярэдняй адукацыі у 2021/2022 навучальным годзе” ва ўстанове адукацыі праводзілася вывучэнне якасці агульнай сярэдняй адукацыі па накірунках: вывучэнне асобаснага развіцця вучняў ІХ, ХІ класаў і псіхалагічныя аспекты навучання і выхавання вучняў V класа.

У правядзенні маніторынга ў рэжыме анлайн былі задзейнічаны вучні V, ІХ, ХІ класаў, іх бацькі, настаўнікі і класныя кіраўнікі.

Вучні ІХ і ХІ класаў, акрамя анкетавання, выконвалі малюначны тэст.

 

 

згарнуць

Атэстацыя педагагічных кадраў

06.12.2021
разгарнуць

Згодна з планам работы атэстацыйнай камісіі на 2021/2022 навучальны год, у рамках атэстацыі настаўнікам рускай мовы і літаратуры Скіба І.А. ў 10 класе быў праведзены ўрок па тэме «Человек и природа в лирике Ф.И. Тютчева». На працягу ўрока вучні знаёміліся з асноўнымі падзеямі ў жыцці і творчасці паэта, выпрацоўвалі ўменні аналізаваць лірычныя творы. Значная ўвага надавалася выхаванню пачуцця павагі да роднай прыроды.

Да ўрока вучні рыхтавалі апераджальныя заданні: прэзентацыі «Жизнь и творчество Ф.И.Тютчева», матэрыялы рубрыкі «Интересные факты о жизни и творчестве Ф.И.Тютчева». Выразна чыталі вершы «Не то, что мните вы, природа…», «Природа – сфинкс. И тем она верней…», запаўнялі табліцы, складалі сінквейн, малявалі. На дошцы была аформлена выстава работ вучаніцы 10 класа.

згарнуць

Нарада пры дырэктары

30.11.2021
разгарнуць

30.11.2021 згодна з планам работы ўстановы адукацыі на 2021/2022 навучальны год была праведзена нарада пры дырэктары, дзе былі разгледжаны пытанні “Стварэнне бяспечных умоў жыццядзейнасці выхаванцаў ў дашкольнай групе”, “Стварэнне камфортных умоў пры пераходзе з пачатковага звяна ў сярэдняе”, “Стан выкладання вучэбнага прадмета “Хімія” ў школе”, “Вынікі правядзення тыдня педмайстэрства МА настаўнікаў пачатковых класаў і выхавальнікаў”, “Вынікі праверкі школьнай дакументацыі”. На нарадзе быў праведзены падрабязны аналіз работы педагагічнага калектыва па падрыхтоўцы вучняў да ўдзелу ў другім этапе рэспубліканскай алімпіяды па вучэбных прадметах.

згарнуць

Атэстацыя педагагічных кадраў

30.11.2021
разгарнуць

30.11.2021

У рамках атэстацыі на прысваенне вышэйшай кваліфікацыйнай катэгорыі кіраўніку фізічнага выхавання Ждановіч К.А. у рознаўзроставай дашкольнай групе была праведзена фізкультурная забава “Падарожжа ў краіну Алімпійскіх гульняў”. Мэтай мерапрыемства стала фарміраванне ў дашкольнікаў уяўленняў аб сучасных алімпійскіх гульнях.

Падчас забавы дашкольнікі ўдзельнічалі ў розных эстафетах, развівалі фізічныя якасці, былі актыўнымі, з задавальненнем выконвалі ўсе заданні.  Пры правядзенні занятка кіраўнік фізічнага выхавання Ждановіч К.А. прадэманстравала высокі метадычны ўзровень, веданне дашкольнай педагогікі, навыкі планавання работы з дзецьмі дашкольнага ўзросту.

26.11.2021

У рамках атэстацыі на прысваенне другой кваліфікацыйнай катэгорыі настаўніку рускай мовы і літаратуры Скібе І.А. ў 7 класе быў праведзены адкрыты ўрок па тэме “Обобщение изученного о глаголе. Морфологический разбор глагола”. Мэтай урока з'яўлялася абагульненне атрыманых практычных і тэарэтычных ведаў вучнямі па тэме “Глагог”; развіццё лагічнага і аналітычнага мыслення, зрокавай і слыхавой памяці, актыўнага слоўнікавага запасу слоў; выхаванне пачуцця патрыятызму.

Падчас урока былі выкарыстаны такія формы работы, як “Бліц-апытванне”, праца з карткамі зваротнай сувязі (правапіс канчаткаў дзеясловаў -А, -О), заданні “Машынапіснае бюро”, “Лічбавая дыктоўка”, “Вызнач спражэнне”, марфемны і марфалагічны разборы дзеясловаў, лінгвістычная галаваломка, слоўнікавая работа, работа з тэкстам “Белавежская пушча”.

25.11.2021

Згодна з планам работы атэстацыйнай камісіі на 2021/2022 навучальны год, у рамках атэстацыі на прысваенне вышэйшай кваліфікацыйнай катэгорыі кіраўніку фізічнага выхавання Ждановіч К.А. у рознаўзроставай дашкольнай групе быў праведзены фізкультурны занятак “Мой вясёлы мяч”.

На працягу занятка дзеці развівалі фізічныя якасці: выконвалі практыкаванні з мячамі, практыкаваліся ў раўнавазе, развівалі хуткасць і спрытнасць, трэніравалі ўважлівасць. Былі актыўнымі, з задавальненнем выконвалі заданні.  Асабліва цікавымі і захапляльнымі для выхаванцаў сталі рухомыя гульні “Збяры мячы”, “Дагані мяч”, “Збі кеглю”. Пры правядзенні занятка кіраўнік фізічнага выхавання Ждановіч К.А. прадэманстравала высокі метадычны ўзровень, веданне дашкольнай педагогікі, дзіцячай псіхалогіі і методыкі, навыкі планавання работы з дзецьмі дашкольнага ўзросту.

Фотаальбом 

згарнуць

Жнівеньскі педагагічны савет

31.08.2021
разгарнуць

31.08.2021 прайшоў жнівеньскі педагагічны савет на тэму "Аналіз дзейнасці ДУА "Кухчыцкі НПК дзіцячы сад-сярэдняя школа Клецкага раёна" за 2020/2021 навучальны год і асноўныя накірункі дзейнасці ў 2021/2022 навучальным годзе". На педагагічным савеце былі падведзены вынікі папярэдняга навучальнага года і вызначаны асноўныя падыходы да арганізацыі адукацыйнага працэсу ў 2021/2022 навучальным годзе, расстаўлены прыярытэты ў навучанні, выхаванні і развіцці навучэнцаў, акрэсліны мэта і задачы педагагічнай дзейнасці.

згарнуць
Дадаткова ў гэтым раздзеле