Дабрачынная акцыя "Нашы дзеці"

У рамках рэспубліканскай акцыі «Нашы дзеці» дашкольную групу ДУА «Кухчыцкі НПК дзіцячы сад-сярэдняя школа Клецкага раёна» наведала Ніжэвіч Л.І., дэпутат Палаты прадстаўнікоў Нацыянальнага сходу Рэспублікі Беларусь. Людміла Іванаўна павіншавала дзяцей з надыходзячымі навагоднімі святамі, пажадала здзяйснення самых запаветных жаданняў, уручыла выхаванцам навагоднія падарункі.

Урачыстае адкрыццё рэспубліканскай дабрачыннай акцыі "Нашы дзеці" адбылося 14 снежня 2021 года ў Кухчыцкім НПК.

У час правядзення ўрачыстай агульнашкольнай лінейкі з надыходзячым святам дзяцей павіншавала намеснік дырэктара па выхаваўчай рабоце і пазнаёміла з планам правядзення мерапрыемстваў акцыі ў нашай установе адукацыі.

У фае ўстановы адукацыі распачала сваю працу святочная фотазона "Навагодняя казка", знаходзячыся на якой кожнае дзіця магло акунуцца ў маленькага тыграня. На працягу дня працавала «Пошта Дзеда Мароза», праз якую хлопцы і дзяўчынкі адправілі свае запаветныя жаданні Дзеду Марозу.

Дзеці, у сваю чаргу, стварылі святочны настрой, загадзя ўпрыгожыўшы навучальныя класы ў адпаведнасці з навагодняй тэматыкай.

Цуды здараюцца! Падарым Каляды дзецям!

Дабрачынная акцыя "Цуды на Каляды" – штогадовае сумеснае мерапрыемства ГА "БРСМ" і ГА "БРПА". Геаграфія гэтай традыцыйнай акцыі шырокая. Каб здзейсніліся дзіцячыя мары, актывісты маладзёжных арганізацый Кухчыцкага НПК далучыліся да гэтай акцыі.

Сімвалам акцыі "Цуды на Каляды" з'яўляюцца чырвоныя рукавічкі, якія адлюстроўваюць імкненне дзяцей і моладзі Беларусі акружыць клопатам і ўвагай дзяцей, асабліва ў навагоднія і калядныя дні. Таму на падарунках ў дні правядзення акцыі мільгаюць стылізаваныя рукавічкі.

Віншуем усіх дзяцей з надыходзячымі навагоднімі святамі, жадаем здароўя, шчасця, удачы, здзяйснення мараў.

А таксама дзякуем рабятам, якія прымалі ўдзел у акцыі.